Skuld gammel venskab

	; Klik for at forstørre
Navn
Forfatter	Jeppe Aakjær, 1927
Komponist	Skotsk folkemelodi (Auld Lang Syne)
Ogg	Lyt her ; ;

Skuld gammel venskab rejn forgo
og stryges fræ wor mind?
Skuld gammel venskab rejn forgo
med dem daw så læng.læng sind?

De skjønne ungdoms daw, åja
de daw så svær a find!
Vi´el løwt wor kop så glådle op
for dem daw så læng læng sind!

Og gi så kuns de glajs en top
og vend en med di kaw´
Vi´el ta ino en jenle kop
for dem swunden gammel daw

Vi tow- hwor hår vi rend om kap
i´æ grønn så manne gång!
Men al den trawen verden rundt
hår nu gjord æ bjenn lidt tång.

Vi wojed sammel i æ bæk
fræ gry til høns war ind.
Så kam den haw og skil wos ad.
Å, hvor er æ læng, læng sind!

Der er mi hånd do gamle swend!
Ræk øwer og gi mæ dind.
Hwor er æ skjøn å find en ven,
en håj mist for læng, læng sind!


Klik for at forstørre
Navn
Forfatter	Jeppe Aakjær, 1927
Komponist	Skotsk folkemelodi (Auld Lang Syne)
Ogg	Lyt her