Mads Doss

Denne sang har 2, måske 3 melodier. Den kendte folkemelodi er anført her, sammen med en melodi af H. Cpr. Simonsen,
og der skulle angiveligt findes en melodi fra 1868 af en Jens Kristian Vendt.

H. Cpr. Simonsens melodi
Klik for at forstørre
Navn	H. Cpr. Simonsens melodi
Forfatter	Steen Steensen Blicher, 1842
Komponist	H. Cpr. Simonsen
Ogg	Lyt her

Folkemelodi
Klik for at forstørre
Navn	Folkemelodi
Forfatter	Steen Steensen Blicher, 1842
Komponist	Folkemelodi
Ogg	Lyt her

---

Mads Doss han war en kon Koltringsknæjt,
Han gek mæ Foeren i Hien,
Imell saa slow han Lyng te en Bæjt,
Imell saa band aau Vien
En Liim te hans Muer, aa saa saang han imell,
Di hoer ed saa vit, nær han tow te aa hwell:
La la luh - la la lih - kom! saa skal A bih.

Mett Kølvro war en kon Stonthostøs,
Gek aasse mæ Foeren i Hien,
Aa somti hun swedt, aa somti hun frøs;
Den Drywwen slet ett hun ku li en.
Hun snøvsed imell, faa hin Dawwen wa laang,
Iwessomda tahrt hun sin Klukker, aa saang:
La la luh, etc.

Aa somti di mødtes saa his aa saa hæhr,
Od Mælmad, aa spraakked saa knøwt da,
Aa let om let fek di hwerranner saa kjæhr:
Jen kam næ den Aahn ga en Hwøwt da.
Aa næ di had edt, gek di hvæ te si Hjaer,
Aa saang, saa de gjall owwe Mosser og Kjaer:
La la luh, etc.

Saaen gek da en Sommer, aa dæ gek flier,
Lieg Kjærrester saa di fann o da.
I Hien kam di no ikki møj mier,
Men hjemm ve hwerranne di lo da.
Aa saa bløw di gywt, aa behøwd ett aa sønng,
Som faer di had gjow, i di baareste Lønng:
La la luh, la la lih, kom! saa skal A bih!